நெல்லை:மதவாத சக்திகளால் பிரிவினையை தூண்டும் பாரதிய ஜனதா கட்சியை இந்தியாவை விட்டு துரத்தும் தகுதியான தலைவர் என்றும் இந்தியாவின் அடுத்த பிரதமரை உருவாக்கும் ஆற்றல் உங்களிடமிருந்து புறப்படுகிறது என அகில இந்திய தலைவர்கள் எல்லாம் பாராட்டும் முதல்வராக நமது முதல்வர் மு க ஸ்டாலின் திகழ்ந்து வருகிறார் என நெல்லை மாவட்டம் ராதாபுரத்தில் நடந்த பொதுக்கூட்டத்தில் தமிழ்நாடு பாடநூல் கழக தலைவரும் கொள்கை பரப்பு செயலாளருமான திண்டுக்கல் ஐ லியோனி கூறியுள்ளார். தமிழக முதல்வர் மு க ஸ்டாலின் பிறந்தநாள் விழா பொதுக்கூட்டம் நெல்லை கிழக்கு மாவட்ட திமுக சார்பில் நெல்லை மாவட்டம் ராதாபுரத்தில் ஒன்றிய செயலாளர் ஜோசப்பெல்சி ஏற்பாட்டில் மாவட்ட செயலாளர் ஆவுடையப்பன் தலைமையில் நடைபெற்றது. இந்த பொதுக்கூட்டத்தில் தமிழ்நாடு பாடநூல் கழக தலைவரும் திமுக கொள்கை பரப்பு செயலாளருமான திண்டுக்கல் ஐ. லியோனி சிறப்பு அழைப்பாளராக கலந்து கொண்டு உரையாற்றினார் . அப்போது அவர் பேசுகையில் இந்தியாவே வியந்து பார்க்கும் ஆட்சி தமிழகத்தில் நடந்து வருகிறது இந்தியா முழுவதும் மு க ஸ்டாலின் என்ற திராவிட மாடல் குரல் ஒலித்து வருகிறது. ஆன்லைன் ரம்மி சூதாட்டத்திற்கு தடை விதிக்க ஆளுநர் இரண்டு முறை ஒப்புதல் அளிக்காத நிலையில் சட்டமன்றத்தில் ஒரு சட்ட மசோதாவை கொண்டு வந்த குறிப்பிட்ட காலத்திற்குள் ஆளுநர் கையெழுத்து விட வேண்டும் என்ற சட்டத்தை நிறைவேற்றி தற்போது ஆன்லைன் ரம்மி சூதாட்டத்திற்கு தடை விதிக்கும் மசோதாவிற்கு ஆளுநரை ஒப்புதல் அளிக்க வைத்து அவரது முகத்திரையை முதல்வர் கிழித்துள்ளார். முதல்வரின் பிறந்தநாள் விழா மார்ச் 1ஆம் தேதி சென்னையில் நடைபெற்றது இந்த விழாவில் கலந்து கொண்டு அகில இந்திய தலைவர்கள் இந்தியாவில் மதவாத சக்தியால் பிரிவினையை உண்டாக்கும் பாஜகவை இந்தியாவை விட்டு விரட்டி அடிக்க கூடிய தகுதி வாய்ந்த தலைவர் ஸ்டாலின் என்றும் இந்தியாவின் அடுத்த பிரதமரை உருவாக்கும் ஆற்றல் ஸ்டாலின் இடமிருந்து புறப்படுகிறது என அகில இந்திய தலைவர்கள் எல்லாம் பாராட்டும் முதல்வராக நமது முதல்வர் திகழ்ந்து வருகிறார். ஒரு காலத்தில் பெண்கள் அடக்கி ஒடுக்கி வைக்கப்பட்டிருந்தனர் அவர்களுக்கு பல்வேறு உரிமைகள் மறுக்கப்பட்டது ஆனால் இன்று உள்ளாட்சி அமைப்புகளில் தமிழக முழுவதும் 22 மேயர்களில் 11 மேயர்கள் பெண் மேயர்களாக உள்ளனர் இந்த சாதனை தான் திராவிட மாடலா ஆட்சி . மதத்தை வைத்து சில சக்திகள் மக்களை பிரிக்க நினைக்கின்றார்கள் இங்கு இந்து சமய அறநிலைத்துறை மூலம் அத்துறைக்கு சொந்தமான 3500 ஏக்கர் நிலம் மீட்கப்பட்டுள்ளது இந்து சமய அறநிலைத்துறையின் சார்பில் ஆறு கல்லூரிகள் திறக்கப்பட்டுள்ளது ஒவ்வொரு கிராம கோயில்களையும் மேம்படுத்த இரண்டு கோடி ரூபாய் நிதி ஒதுக்கப்பட்டுள்ளது அனைவரும் சமம், அனைவரும் அர்ச்சகர் ஆகலாம் என புரட்சித்திட்டத்தை கொண்டு வந்தது திமுக ஆட்சியில்தான் 2024 இல் நமது முதல்வர் மு க ஸ்டாலின் யாரை கை காட்டுகிறாரோ அவரே பிரதமராக முடியும் தமிழகத்தில் 40 தொகுதிகளிலும் திமுக கூட்டணி மாபெரும் வெற்றி பெறும் என கூறினார் இந்த நிகழ்ச்சியில் மாவட்ட அவைத் தலைவர் கிரகாம்பெல், மாநில தொண்டரணி துணை அமைப்பாளர் ஆவின் ஆறுமுகம் மாவட்ட ஊராட்சித் தலைவர் வி எஸ் ஆர் ஜெகதீஷ், ஒன்றிய செயலாளர்கள் ஜோசப் பெல் சி தங்கபாண்டியன், குழு உறுப்பினர்கள் ராமச்சந்திரன் பரமசிவ ஐயப்பன் உள்ளிட்ட திரளான திமுகவினர் கலந்து கொண்டனர்.