கடலூர் மாவட்டம் திட்டக்குடி சட்டமன்ற தொகுதிக்குட்பட்ட ஒன்றியம் நகரம் போரூர் கழக திமுக செயலாளர்கள் ஆலோசனை கூட்டம் தொழிலாளர் நலன் மற்றும் திறன் மேம்பாட்டுத்துறை அமைச்சரும் கடலூர் மேற்கு மாவட்ட செயலாளருமான சி.வெ.கணேசன் தலைமையில் கழுதூர் வெங்கடேஷ்வரா கல்லூரியில் நடைபெற்றது. இதைத்தொடர்ந்து பாசார் கழுதூர் வழியாக விருத்தாசலம் வரை செல்வதற்கு புதிய பேருந்து இயக்க வேண்டுமென அப்பகுதி பொதுமக்கள் அமைச்சர் கணேசனிடம் கோரிக்கை விடுத்தனர். அதன் அடிப்படையில் தமிழ்நாடு முதலமைச்சர் மு.க.ஸ்டாலின் உத்தரவின்படி துணை முதலமைச்சர் உதயநிதி ஸ்டாலின் அறிவுறுத்தலின்படி பழைய வழிதடத்தில் பாசார், கழுதூர் வழியாக விருத்தாச்சலம் வரை செல்லும் புதிய மகளிர் கட்டணமில்லா விடியல் பயண பேருந்து சேவையை அமைச்சர் சி.வெ.கணேசன் கொடியசைத்து தொடங்கி வைத்தார்.மேலும் மங்களூர் ஊராட்சி ஒன்றிய அலுவலகத்தில் தமிழ்நாடு தொழிலாளர் நலத்துறை மற்றும் திறன் மேம்பாட்டுத்துறை சார்பில் நலவாரியம் மூலம் பதிவு பெற்ற கட்டுமான தொழிலாளர்களுக்கு உபகரணங்கள் மற்றும் அரசு நலத்திட்ட உதவிகளை அமைச்சர் கணேசன் வழங்கினார். தொடர்ந்து மங்களூரில் உள்ள அரசு தொழிற் பயிற்சி நிலையத்தில் பதிவு பெற்ற கட்டுமான தொழிலாளர்களுக்கான திறன் மேப்பாட்டுத் பயிற்சி கையேடுகளை அமைச்சர் வழங்கினார். மேலும் திட்டக்குடி சட்டமன்றத் தொகுதி, மங்களூர் ஒன்றியத்துக்கு உட்பட்ட ம.கொத்தனூர்,லக்கூர்,வெங்கனூர்,டி.ஏந்தல் ஆகிய ஊராட்சிகளில் மக்கள் குறைதீர்ப்பு முகாம் மற்றும் நலத்திட்ட உதவிகள் வழங்கும் விழாவில் அமைச்சர் சி.வெ.கணேசன் பங்கேற்று பொதுமக்களிடம் குறைகளை கேட்டறிந்து நலத்திட்ட உதவிகளை வழங்கி பொதுமக்களுக்கிடையே பெரும் வரவேற்பை பெற்று அசத்தி வருகிறார்.இதில் நலவாரிய உதவி ஆணையர் ராமு, தாசில்தார்கள், வட்டார வளர்ச்சி அலுவலர்கள், பெரியார் யூனியன் அமைப்புசாரா மற்றும் கட்டுமான தொழிலாளர்களின் சங்க பொதுச் செயலாளர் கோழியூர் புகழேந்தி மற்றும் திமுக விளையாட்டு மேம்பாட்டு அணி மாவட்ட அமைப்பாளர் பேச்சாளர் வெங்கடேசன், ஒன்றிய செயலாளர்கள் பட்டூர் அமிர்தலிங்கம்,செங்குட்டுவன், சின்னசாமி, திட்டக்குடி நகர செயலாளர் வி.பி.பி.பரமகுரு, பேரூர் செயலாளர்கள், முன்னாள் ஒன்றிய சேர்மன் சுகுணா, சிறுபான்மையினர் நலப்பிரிவு மாவட்டத் துணை அமைப்பாளர் அபூபக்கர், மாவட்ட ஒன்றிய நகர பேரூர் சார்பு அணிகளின் நிர்வாகிகள் மற்றும் அரசு அதிகாரிகள் உள்ளிட்ட பலர் கலந்து கொண்டனர்.