*வாசிப்பை மேம்படுத்துவோம் திட்டத்தின் மூலம் ஈரோடு மாவட்டம் பள்ளிக் கல்வித்துறை சார்பில் மொடக்குறிச்சி ஒன்றியத்திற்கு உட்பட்ட தொடக்கப்பள்ளி, நடுநிலைப்பள்ளி தலைமை ஆசிரியர்களுக்கு பாராட்டுவிழா தமிழ்த்தாய் வாழ்த்துடன் தொடங்கியது.*

*மாவட்ட ஆட்சியர் திரு ச.கந்தசாமி ஐஏஎஸ் அவர்கள் தலைமையில் நடைபெற்ற கூட்டத்தில், மாவட்ட கல்வி அலுவலர், வட்டாரத் கல்வி அலுவலர், நூற்றுக்கும் மேற்பட்ட அரசுப்பள்ளி தலைமை ஆசிரியர்கள், ஆசிரியர்கள் மற்றும் மொடக்குறிச்சி வட்டாரத்திலுள்ள நூலகர்கள் கலந்து கொண்டனர்.*

*மாவட்ட ஆட்சியர் அவர்கள் பேசும் போது, இந்த வட்டாரத்தில் அனைத்துப் பள்ளிகளிலும் வாசிப்பை மேம்படுத்துவோம் திட்டத்தினை முழுமையாக செயல்படுத்தி, அனைத்து மாணவ மாணவியரையும் பொது நூலகங்களில் உறுப்பினர்களாக சேர்த்தமைக்கும் அனைத்து ஆசிரியப் பெருமக்களுக்கும் நன்றி! அரசுப் பள்ளிகளில் படிக்கும் அனைத்து மாணவ மாணவியருக்கும் இன்னும் கொஞ்சம் கூடுதல் கவனம் செலுத்தி அவர்கள் படிப்பிலும் தேர்ச்சிகளிலும் முதல் நிலை அடைய ஆசிரியப் பெருமக்கள் பாடுபட வேண்டும் எனக் கேட்டுக்கொண்டார்*

*தங்களது பகுதி நேர நூலகத்தில் ரூ1000- செலுத்தி புரவலராக சேர்ந்து கொண்ட ஈரோடு மாவட்ட ஆட்சியர் அவர்களுக்கு செங்கரைப்பாளையம் பகுதி நேர நூலகர் திரு எஸ்.கிருஷ்ணன் அவர்கள் பொன்னாடை அணிவித்து நன்றி தெரிவித்துக் கொண்டார்.*

*விழாவை ஆசிரியர்கள் மிகச்சிறப்பாக ஏற்பாடு செய்திருந்தனர்.**நன்றி நவிலல், தேசியகீதத்துடன் விழா இனிதே நிறைவுற்றது.*

*நன்றி! வணக்கம்!*