நிகழ்வு தொடக்கத்தில் திருவள்ளுவர் மன்றத்தின் இணைச்செயலாளர் திருமதி அ. சந்திரா அக்கையாசாமி அவர்கள் தமிழ்த்தாய் வாழ்த்துப் பாடினார்.

நிகழ்வுக்கு மன்றத் தலைவர் திரு. நா.சுப்பிரமணியன் தலைமை தாங்கினார். திரு. டி.வி.பிரசாத்ராவ் முன்னிலை வகித்தார். முனைவர் திரு. இரா. சிங்கராசா வரவேற்புரை வழங்கினார்.

பேரா.முனைவர்- திரு. இ.கி.இராமசாமி அவர்கள் சிறப்புச் சொற்பொழிவு ஆற்றும்பொழுது பொறியாளர் க.சி. அகமுடை நம்பி அவர்களின் படைப்பாற்றலையும், அவர் நடாத்திய

16 திருக்குறள் கருத்தரங்குகளையும் விரிவாக உரைத்தார்.கருத்தரங்கு ஆய்வுக் கட்டுரைகளுக்கு நூல் வடிவம் கொடுத்து வெளியிட்டதையும் உரைத்தார்.

தமிழ்ச்செம்மல் திரு. இரா.இரவி அவர்கள் தன் வாழ்த்துரையில், திரு. க.சி. அகமுடை நம்பி அவர்கள், திருக்குறள் மேல் அவர்கொண்ட ஆழ்ந்த பற்றையும். சந்தி பிரிக்காமல்தான் திருக்குறளை எழுத வேண்டும், வாசிக்க வேண்டும் என்றும். அப்போதுதான் சொல்லிசை பிறழாமல் தெளிவாக இருக்கும் என்றும் அவர் வற்புறுத்திக் கூறியதைக் கூறி வாழ்த்தினார்.

அவரைத் தொடர்ந்து எழுத்தாளர், முனைவர் திரு. வா. நேரு அவர்கள், திருமதி இசை உமாராணி மற்றும் திருமதி சரசுவதி அம்மாள் ஆகியோரும் வாழ்த்துரை வழங்கினர்.தலைமை தாங்கிய மன்றத் தலைவர் அவர்கள், தன் தலைமைஉரையில் தமிழுக்கும் திருக்குறளுக்கும் பொறியாளர் திரு. க.சி. அகமுடை நம்பி அவர்கள் ஆற்றிய பணியைப் பாராட்டி அவரையும், “தமிழ் வளர்த்த சான்றோர்கள் வரிசையில்” சேர்க்க வேண்டும் என்று வேண்டிக் கொண்டார்.

வழக்கறிஞர் திரு. சடாட்சரம் தமிழ்மணி அவர்கள் நன்றி நவின்றார்.

திரு. வெ.வெங்கடசாமி அவர்கள் நிகழ்வைத் தொகுத்து வழங்கினார்.