நாகரசம்பட்டி அரசு மகளிர் மேல்நிலைப் பள்ளியில் குழந்தைகள் தின விழா மற்றும் தமிழ் கூடல் விழா நடைபெற்றது. இவ்விழாவிற்கு பள்ளியின் தலைமை ஆசிரியை விஜயலட்சுமி தலைமை தாங்கினார். பள்ளியின் பட்டதாரி ஆசிரியர் பெருமாள் வரவேற்புரை ஆற்றினார். சிறப்பு விருந்தினராக தேவீரஅள்ளி அரசு உயர்நிலைப்பள்ளி தலைமை ஆசிரியர் முத்து லட்சுமணன் கலந்து கொண்டு தமிழ் நூல்களின் அரங்கேற்றம், புத்தகப் வாசிப்பின் முக்கியத்துவம் குறித்து சிறப்புரையாற்றினார். குழந்தைகள் தின விழா மற்றும் தமிழ் கூடல் நிகழ்வினை முன்னிட்டு மாணவியர்களுக்கு கட்டுரை போட்டி, பேச்சு போட்டி, ஓவிய போட்டி ஆகியவை நடத்தப்பட்டு வெற்றி பெற்ற மாணவியர்களுக்கு புத்தகங்கள் பரிசாக வழங்கப்பட்டது. பள்ளியின் முதுகலை இயற்பியல் ஆசிரியர் தேவராஜன் நன்றி நவில விழா இனிதே நிறைவு பெற்றது. விழாவிற்கான ஏற்பாடுகளை பள்ளியின் தமிழாசிரியர்கள் சுப்பிரமணி மற்றும் அருட் செல்வம் ஆகியோர் செய்திருந்தனர்.